„ბრაგას“ მთავარმა მწვრთნელმა, არტურ ჟორჟემ მადრიდში ჩასვლის შემდეგ პრესკონფერენცია გამართა...

„ჩვენთვის ძალიან საამაყოა კარლო ანჩელოტის მხრიდან საქებარი სიტყვების მოსმენა, მაგრამ ვაცნობიერებთ, რომ ბერნაბეუზე უნდა ვითამაშოთ, სადაც ქულების მოპოვება ურთულესი იქნება, თუმცა ისიც ხაზგასასმელია, რომ წაგების შემთხვევაში სიტუაციას უკიდურესად გავირთულებთ.“

„ვიმედოვნებთ, რომ მამაცები ვიქნებით და გამარჯვებისთვის ვიბრძოლებთ. საჭიროა ბალანსი და დაცვაში სწორი თამაში, ამის გარეშე თავდასხმის ეფექტურობას მნიშვნელობა არ აქვს.“

„ინდივიდუალურ ასპექტებს ძალიან დიდი მნიშვნელობა აქვს, თუმცა მთავარი მაინც გუნდური სულისკვეთებაა, სხვა შემთხვევაში „ბლანკოსის“ დამარცხება ფაქტობრივად შეუძლებლად მიმაჩნია.“

„ბელინგემი? არ აქვს მნიშვნელობა იქნება თუ არა ინგლისელი. სამეფო კლუბს დიდი რესურსი აქვს. როგორც გითხარით, სიტუაციას ინდივიდები არ წყვეტენ.“

„ჩვენ დასაკარგი ნამდვილად არაფერი გვაქვს. ვეცდებით, ლაღი ფეხბურთი ვითამაშოთ და დიდ გამოწვევას ვუპასუხოთ, რასაც „რეალის“ მისსავე მოედანზე დამარცხება ჰქვია.“