ედუარდო კამავინგამ „რეალთან“ კონტრაქტის გახანგრძლივების შემდეგ სამეფო კლუბის ოფიციალურ ვებ-გვერდთან ინტერვიუ ჩაწერა.

„მსოფლიოს საუკეთესო კლუბში ვარ. ოცნება ამიხდა და შემიძლია წლების მანძილზე ვივარჯიშო მსოფლიოს ვარსკვლავებთან ერთად. ძალიან იღბლიანი და ბედნიერი ადამიანი ვარ.“

„ბერნაბეუ ლეგენდარული სტადიონია. ბავშობიდან ვოცნებობდი აქ მოხვედრაზე. საოცარი შეგრძნებაა, როდესაც ვაცნობიერებ, რომ დიდი ხნით ვრჩები აქ.“

„ფლორენტინო პერესი საუკეთესო მმართველია, ის ყოველთვის „რეალთან“ ასოცირდებოდა. ამ ადამიანმა გუნდისთვის ყველაფერი გაიღო.“

„უკვე ბევრი მომენტი მაქვს, რომელიც მეხსიერებაში სამუდამოდ ჩაიბეჭდა. ვთვლი, რომ აქ მოსვლის პირველი დღე, ასევე ჩემპიონთა ლიგის ფინალი და გამარჯვება დაუჯერებელი იყო.“

„ჩემი ოჯახით ვამ,აყობ, ამ ადამიანებისგან უდიდეს მხარდაჭერას ვგრძნობ, რაც მაძლიერებს. ვიცი, რომ როდესაც მოედანზე გავდივარ, ისინი განსაკუთრებით ნერვიულობენ და მქომაგობენ.“

„100 მატჩზე მეტი ვითამაშე გუნდში, სადაც მოხვედრაზე ვოცნებობდი, მაგრამ ახლა ვიფრებზე არ ვარ კონცენტრირებული, ჩემთვის მთავარი ხარისხიანი ფეხბურთის ჩვენებაა.“

„როდესაც მოდრიჩთან და კროოსთან ერთად ვარჯიშობ, უფრო მშვიდი და თავდაჯერებული ხდები. მაშინ, როდესაც აქ ჩამოვედი, გამოცდილება მაკლდა, ახლა კი სულ სხვა ხედვები და მანერა მაქვს.“

„თუ გუნდს დასჭირდება, მეკარედაც ვითამაშებ. ნახევარდაცვაში თავს ყველაზე კომფორტულად ვგრძნობ, მაგრამ კონკრეტულ მომენტში იქ დავდგები, სადაც მწვრთნელი ჩათვლის საჭიროდ.“

„ის, რაც „პსჟ“-სთან და მანჩესტერ „სიტისთან“ მატჩებში სანტიაგო ბერნაბეუზე მოხდა, დაუვიწყარია. ის ემოციები და ყოველი წუთი ახლაც მახსოვს.“

„ახალგაზრდებს ერთმანეთთან საოცარი ურთიერთობა გვაქვს, ხედვები იდენტურია, რაც ამოცანას ამარტივებს.“

„მოდრიჩი ყველაზე ხნიერი და გამოცდილი ფეხბურთელია გუნდში, მას კოლექტივში ყველაზე დიდი ავტორიტეტი აქვს და გასაკვირი არაფერია.“