ნაჩო:,,ანჩელოტი გუნდში სიმშვიდის გარანტია"
ნაჩო ფერნანდესმა „ბრაგასთან“ მატჩის წინ პრესკონფერენცია გამართა.
„„რეალში“ განწყობა არ იცვლება. გუნდი „ბრაგასთან“ მატჩს ისე ხვდება, როგორც ყოველთვის. მიზანი გამარჯვებაა და ჩვენ ამისთვის ყველაფერს ვიღონებთ.“
„არდა გიულერს წარმოუდგენელი პოტენციალი აქვს. თურქი მოედანზე გამოჩნდება და ყველას დაუმტკიცებს რა შეუძლია, მან ტრავმა მოიშუშა და სათამაშოდ მზად არის. არდა ძალიან ახალგაზრდაა და ბევრი დრო აქვს შესაძლებლობების გამოსავლენად.“
„ბელინგემს გამარჯვებულის „დნმ“ აქვს, ისევე როგორც მადრიდის „რეალს“, მას მარტო მოგება და წარმატება იზიდავს და სხვაზე არაფეზე ფიქრობს. ინგლისელი ნამდვილად არის „ბლანკოსის“ საუკეთესო შენაძენებს შორის.“
„ვინისიუსთან ბევრი მისაუბრია. სამწუხაროდ, ბრაზილიელთან დაკავშირებით ბევრი პროვოკაცია არსებობს, რაც სამწუხაროა, თუმცა ჩვენ ვზრუნავთ მასზე. თუ კარლეს პუიოლს მასთან საუბარი სურს, პრობლემას ნამდვილად ვერ ვხედავ.“
„ჩემი როლი ყოველთვის განსხვავებოდა მოდრიჩის როლისგან. მე ძირითადი შემადგენლობისთვის ბრძოლა მიწევდა, ლუკა კი უცვლელი წევრი იყო, სწორედ ამიტომ, სათადარიგო სკამზე ჯდომას ის შესაძლოა უფრო რთულად აღიქვამდეს.“
„დარწმუნებული ვარ, როდრიგო და ვინისიუსი მომდევნო მატჩებში ბევრი გოლის გატანას შეძლებენ. არ ვიცი, რამდენად მოეთხოვებათ მათ იმდენივე გოლის გატანა, რამდენიც ბენზემას მოეთხოვებოდა, ვინაიდან ფრანგი სუპერ ფორვარდი იყო, ბრაზილიელებს კი რეალურად განსხვავებული ფუნქცია-მოვალეობები აკისრიათ.“
„ჩემპიონთა ლიგის მატჩებში მონაწილეობა მივიღე და მსურს, რომ „ბრაგას“ წინააღმდეგ სასტარტოში ვიყო, ამას მთავარი მწვრთნელი გადაწყვეტს.“
„„რეალს“ ბრწყინვალე აკადემია ჰყავს. გამოიკვეთა არაერთი კონტური და ასპარეზზე გამოვიდა რამდენიმე ახალგაზრდა კასტილიელი, რომელიც ძირითად გუნდში თამაშის კარგ შანსს ფლობს. ეს არის ნახტომი, რომელიც უნდა გააკეთო, სწორედ ამიტომ, ბევრი მუშაობა გმართებს. ვიცი, რამდენად რთულია მსოფლიოს საუკეთესო კლუბში თამაში, მაგრამ თუ იშრომებ, შედეგს აუცილებლად მიიღებ.“
„„ბრაგა“ დინამიური გუნდია, რომელსაც შეტევაში დიდი რესურსი აქვს. დარწმუნებული ვარ, საინტერესო და სანახაობრივი მატჩი გველის.“
„ანჩელოტის მომავალი? ვფიქრობ, მან აქ დიდი ხნით დარჩება დაიმსახურა. განსაკუთრებული სიმშვიდე, რომელიც იტალიელს აქვს, ფეხბურთელებს გადაეცემათ. ანჩელოტიმ „რეალის“ ფეხბურთელებს წლების მანძილზე გამოცდილება გაუზიარა, თუ ის თანამდებობას დატოვებს, რა თქმა უნდა დამწუხრებული ვიქნები, თუმცა ვფიქრობ, რომ მას უნდა ესაუბროთ და არა მე.“
„გონსალო ინასიო? ტრანსფერზე არ ვფიქრობ, რადგან ახლა სეზონი გახურების პროცესშია. ტრანსფერებზე გუნდები სატრანსფერო ფანჯრის დროს მუშაობენ.“
- 7 ნოემბერი 2023
- 3 214
- 9
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
