ესპანეთის ფეხბურთელთა ასოციაციის (AFE) აზრით, ვინისიუს ჟუნიორი ლა ლიგის შარშანდელი სეზონის საუკეთესო ფეხბურთელია...

AFE-მ ბრაზილიელ ვარსკვლავს სპეციალური ჯილდო საზეიმო ვითარებაში გადასცა. შარშან ვინიმ ლა ლიგაში 10 გოლი გაიტანა და 8 საგოლე გადაცემა გააკეთა, ის იყო სამეფო კლუბის თვალწარმტაცი ლიდერი და მამოძრავებელი ძალა კარიმ ბენზემასთან და როდრიგო გოეშთან ერთად.

ღონისძიების დასრულების შემდეგ ვინისიუსმა კომენტარი გააკეთა - „მადლობა ყველას, ვინც ჩათვალა, რომ ამ ჯილდოს ღირსი ვიყავი. მადლობა თანაგუნდელებს, რადგან მათ გარეშე წარმატების მიღწევა წარმოუდგენელი იქნებოდა. მჯერა, წინ კიდევ უფრო წარმატებული სეზონები გველის.“