ბრიტანული გამოცემების ცნობით, არსებობს რეალური შანსი იმისა, რომ ტონი კროოსმა და ლუკა მოდრიჩმა ისევ ერთად, ამჯერად პრემიერლიგაში ითამაშონ.

ლუკა მოდრიჩი და ტონი კროოსი „ნიუქასლის“ რადარზეა. „კაჭკაჭები“ მიიჩნევენ, რომ „რეალის“ ლეგენდების „სენტ ჯეიმს პარკზე“ ჩაყვანა მათ შედეგს მნიშვნელოვნად გაზრდის.

ინგლისელები მზად არიან მიმზიდველი კონტრაქტები შესთავაზონ, როგორც ხორვატს, ასევე გერმანელს.

თავის მხრივ, მოდრიჩისთვის ეს ერთგვარი შანსია, რომ კვლავ ევროპაში დარჩეს და დიდი შემოსავალი ისე მიიღოს, კროოსის მომავალი კი მართლაც ბუნდოვანია, თუმცა მის დატოვებაზე „რეალი“ სერიოზულად ფიქრობს.

არსებული ინფორმაციით, „კაჭკაჭები“ მოდრიჩს 1 წლიან, ხოლო კროოსს 2 წლიან ხელშეკრულებას შესთავაზებენ, სადაც მათი შემოსავლები მნიშვნელოვნად იქნება გაზრდილი.

ესპანური გამოცემების ცნობით, „ნიუქასლი“ ორივე ლეგენდასთან მოლაპარაკებების გამართვას იანვარში გეგმავს.