ედერ მილიტაოს პროგრესი სწრაფ ტემპში მიმდინარეობს. ბრაზილიელი ფეხბურთელის სამედიცინო დაკვირვებები აჩვენებს, რომ ის ამ სეზონში მინიმუმ 10-12 დაპირისპირების ჩატარებას მოახერხებს.

ფაქტობრივად გადაწყვეტილია, რომ მარტის დასაწყისიდან სამხრეთ-ამერიკელი უკანახაზელი ვარჯიშს დაიწყებს, შუა რიცხვებიდან კი მოედანზე გასვლას შეძლებს.

იმ შემთხვევაში, თუ სამეფო კლუბი ჩემპიონთა ლიგასა და სამეფო თასზე წარმატებას მიაღწევს, გაზაფხულზე საკმაოდ სერიოზული და საპასუხისმგებლო მატჩების ჩატარება მოუწევს, სადაც მილიტაოს ყოფნა თავისთავად ხაზგასასმელი ფაქტი იქნება.

მილიტაოს ტრავმის შემდეგ მასზე გათვლა არ კეთდებოდა, მაგრამ ფაქტია, რომ უკანახაზელმა ყველა მოლოდინს გადააჭარბა და უკვე ნოემბერში ცნობილია, რომ აღდგენით პროცესს საოცარი სისწრაფით გადის.