ბრიტანული გამოცემების ცნობით, „ნიუქასლი“ მზად არის, ტონი კროოსს 2 წლიანი კონტრაქტი შესთავაზოს, რომლის ჯამური ღირებულებაც კოლოსალური იქნება...

მოგეხსენებათ, გერმანელ ფეხბურთელს „რეალთან“ კონტრაქტი 2024 წლის 30 ივნისს ეწურება, რაც იმას ნიშნავს, რომ „კაჭკაჭებს“ მისი დამატება უფასოდ შეეძლებათ.

„ნიუქასლი“ მზად არის, ტონის 2 წლიანი კონტრაქტის სანაცვლოდ 50 მილიონი ევრო გადაუხადოს. წლიურად 25 მილიონი ევრო ნამდვილად ის შეთავაზებაა, რომელზეც უარის თქმა მარტივი არ იქნება.

კროოსს არაერთხელ განუცხადებია, რომ კარიერის დასრულება მადრიდში სურს, თუმცა ინგლისელები დანებებას არ აპირებენ. მათი აზრით კროოსის პრემიერლიგაში გადაბარგება გუნდის რესურსს მნიშვნელოვნად გაზრდის.