ვინისიუს ჟუნიორმა საპატიო ჯილდოს მიღების შემდეგ შეკრებილ პუბლიკას მიმართა...

„ძალიან ბედნიერი ვარ, რომ აქ ვიმყოფები და საპატიო ჯილდო მივიღე. ამ შემთხვევაში წარმოადგენ ბრაზილიელ ბავშვებს, რომელსაც სჭირდებათ მხარში დგომა.“

„მსურს, გავაგრძელო ბავშვების დახმარება, რათა მათ მომავალში გააკეთონ ის, რაც სურთ. იყვნენ ბედნიერები, ჰქონდეთ განათლების მიღების შესაძლებლობა და ჯანსაღი მომავალი. ამ საქმიანობას არასდროს შევწყვეტ. პირობას გაძლევთ, რომ ჩემი სამოქმედო არეალი გაფართოვდება.“

„2024 წელს გაიხსნება ვინისიუს ჟუნიორის სახელობის სკოლა, სადაც ყველა ბავშვი უფასოდ ისწავლის, დაეუფლება სპორტის სახეობებს. მიიღებს არაერთ ინფორმაციას ფეხბურთისა და ტექნოლოგიური განვითარების შესახებ.“

„ალბათ მოსაწყენია რასიზმზე საუბარი, მაგრამ ამ ტრიბუნას აუცილებლად გამოვიყენებ ამისთვის და კიდევ ერთხელ მოვუწოდებ ფიფას, უეფას და სხვა ორგანიზაციებს მკაცრი ქმედებების განხორციელებისკენ. მე არ დავიღლები და ვიბრძოლებ რასიზმის წინააღმდეგ.“