ტომას რონსერომ მადრიდის „რეალის“ გულშემატკივრებს „ელ კლასიკოს“ მოგება მიულოცა და ჯუდ ბელინგემი შეაქო...

„არ ვიცი, სად გადის ჯუდ ბელინგემის შესაძლებლობების ზღვარი. ფაქტობრივად მე-60 წუთამდე ვთვლიდი, რომ ინგლისელმა „ელ კლასიკოს“ ფსიქოლოგიური წნეხი ვერ დაძლია და სწორედ ამიტომ იყო ჩრდილში, შემდეგ კი აზრი შევიცვალე, ვინაიდან საოცრება შეძლო და დუბლი შეასრულა.“

„ბელინგემისთვის არ არსებობს ბარიერები, რაც ახალგაზრდა ფეხბურთელებს აქვთ ხოლმე, ის ისე თამაშობს, როგორც გამოცდილი ფიგურა.“

„სამეფო კლუბმა მისი სახით მეგა ვარსკვლავი დაიმატა. უდავოდ უნდა ითქვას, რომ გასული ზაფხულის საუკეთესო ტრანსფერი სწორედ ჯუდის გამადრიდელება იყო.“