იმ შემთხვევაში, თუ მადრიდის „რეალის“ სათავეში ჩაბი ალონსო ჩადგება, ფლორიან ვირცის მიმართ ფლორენტინო პერესის ინტერესი განახლდება...

2022 წლის იანვრის სატრანსფერო ფანჯრის დროს ვირცზე „რეალი“ პრეტენზიას აცხადებდა, მაგრამ მოლაპარაკებები საბოლოო ჯამში მაინც ვერ შედგა.

დღესდღეობით ალონსოს „ლევერკუზენის“ ერთ-ერთი ლიდერი სწორედ ახალგაზრდა ფლორიანია, რომელიც პროგრესს განაგრძობს.

მადრიდული გამოცემების ცნობით, თუ ჩაბი მადრიდში დაინიშნება, ვირცის გამადრიდელებას ხელს მართლაც ვეღარაფერი შეუშლის.

ამ სეზონში ახალგაზრდა შემტევის ანგარიშზე ბუნდესლიგაში ჩატარებულ 9 დაპირისპირებაში 2 გოლი და 4 საგოლე გადაცემაა, ევროპალიგაზე ჩატარებულ 3 მატჩში 2 გოლი და 4 ასისტი, გერმანიის თასზე კი 1 მატჩში 1 გოლი.

უნდა აღინიშნოს, რომ ვირცი მხოლოდ 20 წლის არის.