კარლო ანჩელოტიმ „ელ კლასიკოს“ შემდეგ პრესკონფრენცია გამართა და განაცხადა, რომ ჯუდ ბელინგემი საოცარ პროგრესს აჩვენებს...

„ჯუდ ბელინგემი უნიკალური ფეხბურთელია. ოქროს ბურთის დაჯილდოვება? არ ვიცი, რომელ პოზიციაზე გავა ინგლისელი, მაგრამ თუ ასე გააგრძელებს, მისი დრო მალე დადგება. ჩვენ ვსაუბრობთ მოთამაშეზე, რომელიც მოედნის ყველა წერტილში სახიფათოა.“

„„ბარსელონა“ რა თქმა უნდა შესანისნავი გუნდია. გამარჯვება რთული იყო. ჩვენ აქტივში მნიშვნელოვანი 3 ქულა ჩავიწერეთ და სატურნირო მდგომარეობა გავიუმჯობესეთ. ურთულეს მეტოქესთან გამარჯვება ძალიან მიხარია.“

„მეორე ტაიმში „რეალის“ ფეხბურთელებმა მეტი ენერგია დახარჯეს, რაც ბოლო წუთებზე განსაკუთრებით აისახა. ბელინგემის გამოცდილება „ელ კლასიკოში“ ნულოვანი იყო, მაგრამ მან ისე ითამაშა, როგორც ვეტერანმა და ეს ფაქტია.“

„აუცილებლად აღსანიშნავია ლუკა მოდრიჩის შესანისნავი თამაში. ხორვატია მოედანზე შემოსვლამ დინამიკა შეცვალა.“

„კამავინგამ გუნდს სისწრაფე და აგრესია მისცა. დიახ, ფრანგი უჩვეულო პოზიციაზე გამოვიყენე, მაგრამ ის ხვდებოდა, რომ დაცვის მარცხენა ფლანგზე მჭირდებოდა.“

„თუ ჯუდი ასე გააგრძელებს, 20-25 გოლს თავისუფლად მიაღწევს. მისი პირდაპირი მოვალეობა მეტოქის კარის აღება არ არის, მაგრამ ფაქტია, რომ ნამდვილ გოლეადორად იქცა.“

„ჩვენ პატივს ვცემთ „ბარსელონას“ ყველა ფეხბურთელს და მოედანზეც ამას ვავლენდით. ჩავი აღელვებული იყო, მაგრამ მატჩის ბოლოს ვუთხარი, რომ მის ახალგაზრდებს დიდი მომავალი აქვთ.“

„ბელინგემისთვის ცენტრ-ფორვარდად თამაში პროდუქტიული არ იქნება. ჯუდის საოცარ თამაშს მისი თავისუფლება განაპირობებს. არ შეიძლება მას კონკრეტულ პოზიციაზე ასპარეზობა დაევალოს.“

„დუელებში მეტი ენერგია გვჭირდებოდა, ამ მხრივ ნამდვილად მოვიკოჭლებდით.“

„ჩავისა და ვინისიუსს შორის კამათი და უთანხმოება მოედანზე დარჩა. არანაირი გაუგებრობა არ არსებობს.“

„ვინის არაუხოსთან რამდენჯერმე შეეძლო სიტუაციის გამწვავება, მე მას პირდაპირი დავალებები მივეცი. საერთო ჯამში სამხრეთ-ამერიკელმა ძალიან დიდი ყურადღება მიიპყრო, რაც სხვა ფეხბურთელებს მეტ თავისუფლებას აძლევდა.“