ფედერიკო ვალვერდემ ჟურნალისტებთან ინტერვიუ ჩაწერა, სადაც მოახლოვებულ „ელ კლასიკოზე“, ახალ კონტრაქტსა და „რეალში“ არსებულ სიტუაციაზე ისაუბრა.

„ვიმედოვნებ, „რეალთან“ კონტრაქტს მალე განვაახლებ. ჩემი ფიქრები მხოლოდ მადრიდს უკავშირდება. ესპანეთის დედაქალაქში დიდხანს მსურს დარჩენა.“

„ჯუდი შესანიშნავად მუშაობს და ქმნის შთაბეჭდილებას, თითქოს მადრიდშია დაბადებული და მთელი ცხოვრება აქ აქვს გატარებული. რაც მთავარია, ინგლისელი ბრწყინვალედ იზიარებს გუნდის სულისკვეთებას.“

„სავსე ვარ ენერგიით და მოტივაციით. „ბარსელონასთან“ დაპირისპირებას ყოველთვის განსაკუთრებით ველი. ეს არის უდიდესი ზეწოლა და პასუხისგებლობა. თითოეულ მომენტში ბოლომდე უნდა დავიხარჯოთ.“

„ვის წამოვიყვანდი „ბარსელონადან“? რა თქმა უნდა, რონალდ არაუხოს, ვინაიდან მას მსოფლიოს ერთ-ერთ საუკეთესო მცველად მივიჩნევ, მის წინააღმდეგ თამაში ყოველთვის განსაკუთრებულ სირთულეებს უკავშირდება. მე და არაუხო ურუგვაის ნაკრებში ერთად ვთამაშობთ და ბრწყინვალე ურთიერთობა გვაქვს.“

„კარგად მოვემზადეთ და ყველა დეტალი გავთვალეთ. ჩემი აზრით, „რეალი“ „ელ კლასიკოს“ მოსაგებად მზად არის.“

„როდესაც „რეალის“ ფეხბურთელი ხარ, ზეწოლას უნდა გაუძლო. ეს სპორტსმენის თანმდევარი მოვლენაა.“