ანჩელოტი:,,ითამაშებს თუ არა ბელინგემი?"
კარლო ანჩელოტიმ „ელ კლასიკოს“ წინ პრესკონფერენცია გამართა და აბსოლუტურად ყველა საინტერესო საკითხი მიმოიხილა...
„„ბარსელონა“ ძალიან კარგად ორგანიზებული გუნდია და ყველა ასპექტში აქვს დისციპლინა, რაც მეტოქე გუნდებისთვის რა თქმა უნდა, დიდ ბარიერს წარმოადგენს.“
„კარვახალს უდიდესი გამოცდილება აქვს. ცოტა გოლი? მისი მოვალეობა მეტოქის კარის აღება არასდროს ყოფილა, მაგრამ რამდენჯერმე საკმაოდ კარგი გოლის გატანა შეძლო, მათ შორის მეორე სართულზეც. ეს არის მომენტი, რომელსაც დანი იყენებს ხოლმე.“
„„რეალს“ კარგი დინამიკა აქვს და მჯერა, რომ წარმატების მიღწევა სავსებით შესაძლებელია. დარწმუნებული ვარ, „ელ კლასიკოს“ ოპტიმალური შედეგით დავასრულებთ.“
„ვინც არ თამაშობს, დამატებითი ახსნა-განმარტება არ სჭირდებათ, იგივეს თქმა შემიძლია „ელ კლასიკოს“ კალიბრის დაპირისპირებაზეც. „ბლანკოსი“ მეგობრული გუნდია, სადაც ყველა ფეხბურთელისთვის გასაგებია სამწვრთნელო შტაბის გადაწყვეტილებები.“
„კლასიკოს რა თქმა უნდა, უდიდესი მნიშვნელობა აქვს. ჩვენ ამ მატჩისთვის განსაკუთრებით ვემზადებით, თუმცა სეზონი გრძელია და ეს ვერ იქნება გადამწყვეტი 3 ქულა. იგივე „ჟირონა“ და „ატლეტიკო“ ძალიან სტაბილურ ფეხბურთს აჩვენებენ, ამიტომ ჩვენ მაქსიმალურად უნდა ვეცადოთ, სტაბილური ფეხბურთის ჩვენებას არამხოლოდ „ბარსელონასთან“, არამედ სხვა გუნდებთანაც.“
„მენდიმ „ბრაგას“ წინააღმდეგ დაპირისპირებაში მონაწილეობა არ მიიღო და დაისვენა. ვნახოთ, ჯერ არ ვიცი, ვის დავაყენებ მარცხენა მცველის პოზიციაზე.“
„ბელინგემი ჯანმრთელია და მოედანზე გასვლას გეგმავს. ინგლისელთან დაკავშირებით არასასიამოვნო ინფორმაცია არ გაგვიგია, ექიმების დასკვნა დადებითია.“
„„ბარსელონაში“ ბევრი ტრავმირებული ფეხბურთელი იყო, სწორედ ამიტომ ჩავის ახალგაზრდა მოთამაშეების გამოყენება მოუწია. დიახ, აკადემია ყოველთვის მნიშვნელოვანია. იგივეს თქმა შემიძლია ჩვენს ახალგაზრდებზე. ალვარო როდრიგერი, ნიკო ფაზი, მარიო მარტინი, გონსალო და სხვები დიდ პერსპექტივს ფლობენ.“
„ხილ მანსანო ევროპის მასშტაბით ერთ-ერთი ყველაზე გამოცდილი მსაჯია. დარწმუნებული ვარ, „ელ კლასიკოში“ ის მოწოდების სიმაღლეზე იდგება.“
„ფლორენტინო პერესის ყველა გადაწყვეტილება „რეალის“ სასიკეთოდ იქნება მიღებული. ჩვენ პატივი უნდა ვცეთ პრეზიდენტის პოზიციას.“
„კამავინგა ჩამშლელი ნახევარმცველია, მას ყველაზე მეტად მოედნის ცენტრში თამაში მოსწონს, თუმცა ფლანგზეც საკმაოდ ეფექტურია, როგორც დაცვაში, ასევე ნახევარდაცვაში.“
„სეზონის სტარტზე ახალგაზრდა ნახევარმცველებს შანსს ხშირად ვაძლევდი, შემდეგ მცირე როტაციაც მოვახდინე. კროოსი მუდმივად განიხილებოდა ჩვენი შემადგენლობის შეუცვლელ წევრად, თუმცა დასვენება გერმანელ ვარსკვლავსაც სჭირდებოდა.“
„იამალი, ფერმინი და სხვა ახალგაზრდები ბარსელონაში დიდ ძალას ქმნიან, ისინი ჩემს პატივისცემას იმსახურებენ.“
„წაგება და თანამდებობა? ამაზე საუბარი არც ღირს. თუ მოვიგებთ, შემაქებენ, თუმცა თუ წავაგებთ, ჩემი პასუხისმგებლობას თანამდებობით ნამდვილად არ დადგება.“
- 27 ოქტომბერი 2023
- 6 782
- 8