ლუკა მოდრიჩმა „ბრაგასთან“ მატჩის შემდეგ კომენტარი გააკეთა, სადაც მოახლოვებულ „ელ კლასიკოზე“ ჰკითხეს...

„პირველ ტაიმში აბსოლუტური უპირატესობა გვქონდა და გაცილებით მეტი გოლის გატანა შეგვეძლო, თუმცა ვერ მოვახერხეთ.“

„მეორე ნახევარში მასპინძელმა გუნდმა არაერთი მომენტი შექმნა, თუმცა კეპა არიზაბალაგა მოწოდების სიმაღლეზე იდგა და რამდენჯერმე შეძლო ჩვენი გუნდის გადარჩენა.“

„ბედნიერი ვარ, რომ 3 ტურის შემდეგ 9 ქულა გვაქვს და 1/8 ფინალთან ძალიან ახლოს ვიმყოფებით.“

„გამარჯვებამ დიდი მუხტი მოგვცა, წინ კი „ელ კლასიკოა“. დარწმუნებული ვარ, „ბარსელონას“ ყველა ფეხბურთელი გაორმაგებული მოტივაციით ითამაშებს, ვინაიდან „რეალი“ ლიდერია, თუმცა ჩვენ პირველი ადგილის დათმობას არ ვაპირებთ.“