ანდალუსიური „სევილია“ დღეს მადრიდის „რეალს“ უმასპინძლებს, თუმცა უნდა ითქვას, რომ ამჟამინდელი გუნდი ბოლო წლების ყველაზე სუსტ ფეხბურთს აჩვენებს.

ლა ლიგაში ჩატარებულ 8 დაპირისპირებაში სამხრეთელებმა 2 მოიგეს, 2 ფრედ დაასრულეს და 4 წააგეს. მათ ანგარიშზე მხოლოდ 13 გატანილი გოლია, რაც 8 დაპირისპირებაში ბევრი ნამდვილად არ არის. გუნდი თითო მატჩში საშუალოდ 1.6 გოლის გატანას ახერხებს.

ერთადერთი მანუგეშებელი რაც შეიძლება სერხიო რამოსის გუნდზე ითქვას, საშინაო არენაა. მოპოვებული 8 ქულიდან სევილიელებმა 7 სახლში მოიპოვეს და მხოლოდ 1 გასვლაზე.

იმ ფონზე, რომ „რეალმა“ ამ ტურამდე საკმაოდ წარმატებულად იასპარეზა, ანჩელოტის გუნდს უდავო ფავორიტის სტატუსი აქვს, თუმცა ყველა აცნობიერებს, რომ სანჩეს პისხუანზე ასპარეზობა მარტივი არავისთვისაა.