კარლო ანჩელოტი საკმაოდ რთულ სიტუაციაშია. ბრაზილიის ფეხბურთის ფედერაცია იტალიელ სპეციალისტს მოსაფიქრებლად კიდევ 2 თვეზე მეტს აძლევს, მაგრამ საბოლოო პასუხის ვადად დეკემბრის ბოლო კვირაა განსაზღვრული.

ფლორენტინო პერესი იტალიელ სპეციალისტს კონტრაქტის გახანგრძლივებასთან დაკავშირებით გარანტიებს ვერ აძლევს, ბრაზილია კი პასუხს ელის.

ზემოაღნიშნულიდან გამომდინარე, ანჩელოტიმ გადაწყვეტილება თავად უნდა მიიღოს.

იმ შემთხვევაში, თუ კარლიტო სამხრეთ-ამერიკელებს უარს ეტყვის, დიდ რისკს გაწევს და იძულებული იქნება სეზონი უმაღლესი შედეგებით დაასრულოს, ვინაიდან სხვა შემთხვევაში ახალ კონტრაქტს ვერ მიიღებს.

ესპანური გამოცემების ცნობით, თუ მიმდინარე სეზონი „ბლანკოსისთვის“ წარმატებული იქნება, პრეზიდენტი პერესი იტალიელს დამატებით 2 წლიან ხელშეკრულებას გაუფორმებს.