კაპელო:„როდესაც „რეალში“ მოვედი, კატასტროფული სიტუაცია დამხვდა“
ფაბიო კაპელომ მადრიდის „რეალში“ დანიშვნა და იქ არსებული სიტუაცია შეაფასა...
„როდესაც „რეალში“ მოვედი, კატასტროფული სიტუაცია დამხვდა. რონალდოს წონის სერიოზული პრობლემები ჰქონდა, მე მას ომი გამოვუცხადე და ვუთხარი, რომ თუ წონას არ დაიკლებდა კლუბის დატოვება მოუწევდა და საბოლოო ჯამში ასეც მოხდა. ვთვლი, რომ „კიჭას“ გაცილებით მეტი შეეძლო, მაგრამ 92 კილოგრამზე დაბლა ვერ ჩამოვიდა, რაც პირდაპირპროპორციულად აისახებოდა მის არასახარბიელო კონდიციაზე.“
„ანტონიო კასანოს დიდი ნიჭი ჰქონდა, თუმცა მასაც ბევრჯერ მივეცი შენიშვნა კვებასთან დაკავშირებით. არაჯანსაღი საკვების გაუთავებელი მიღება მას პრობლემებს უქმნიდა.“
„ერთხელ ვან ნისტელროიმ მითხრა, რომ გასახდელში ალკოჰოლის სუნი იდგა. ვფიქრობ, ეს დღე გადამწყვეტი იყო და გუნდის წმენდა დავიწყე. ჩვენ იმ წელს ლა ლიგა მოვიგეთ, თუმცა ეს ძალიან ძვირად დაგვიჯდა.“
„ესპანეთში რადიოები და გაზეთები ძალიან დიდ ზეგავლენას ახდენენ საზოგადოებაზე, იმ დროს ბევრი დამიპირისპირდა, თუმცა მე დავამტკიცე, რომ სწორ გზას მივყვებოდი. ფეხბურთელები კლუბებში სიარულსა და გართობაზე იყვნენ ორიენტირებულები, მე კი შედეგების მიღწევა მსურდა.“
„ჩემი წასვლის შემდეგ სამეფო კლუბში ბევრი რამ შეიცვალა, თუმცა ყველაზე დიდ მიღწევად მაინც დისციპლინას მივიჩნევ. სწორედ წესრიგის დამყარების შემდეგ დაიწყო გუნდმა კარგი შედეგების დაფიქსირება.“
- 17 ოქტომბერი 2023
- 1 952
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
