მადრიდის „რეალში“ არდა გიულერის დიდი იმედი აქვთ. მიუხედავად იმისა, რომ თურქი ფეხბურთელის დებიუტი ჯერ კიდევ ვერ შედგა, მის მიმართ აბსოლუტური ნდობა არსებობს...

კარლო ანჩელოტი ყოველდღიურ რეჟიმში უყურებს ახალგაზრდის ნიჭს და განვითარების პერსპექტივას. იტალიელი სპეციალისტი თვლის, რომ არდა „რეალში“ დიდ წარმატებას მიაღწევს.

მესუთ იოზილი 2.0 სწორედ ასე უწოდებენ არდას, რომელიც თამაშის მანერით „რეალის“ ექს ფეხბურთელს ძალიან ჰგავს, თუმცა დამატებით ერთი მნიშვნელოვანი თვისებაც აქვს - არდა ბევრად სწრაფია, ვიდრე მესუთი.

გიულერის დებიუტი „სევილიასთან“ დაპირისპირებაში იგეგმება, მომდევნო კვირებში კი კარლიტო ახალგაზრდა ახალწვეულს უფროდაუფრო მეტ სათამაშო პრაქტიკას მისცემს.