ვინისიუსი:„მე უკვე ვიცი სად ვითამაშებ „რეალის“ შემდეგ“
ვინისიუს ჟუნიორმა საკმაოდ საინტერესო ინტერვიუ ჩაწერა, სადაც სამომავლო გეგმებზე, ბრაზილიაზე, თანაგუნდელებსა და მის როლზე ისაუბრა.
„ჩვენ ვცდილობთ მივყვეთ, ტონი კროოსისა და ლუკა მოდრიჩის კვალს, გასახდელში ისინი ნამდვილი ლიდერები არიან. მე ყოველთვის ვსაუბრობ, მაგრამ უფრო მეტს ვისმენ, რადგან გაცილებით მეტი მაქვს სასწავლი ასეთი გამოცდილი ფეხბურთელებისგან.“
„ჯუდ ბელინგემი მსოფლიოს ერთ-ერთი საუკეთესო ფეხბურთელია და „რეალის“ ხელმძღვანელობამ მისი შეძენით უდიდესი ნაბიჯი გადადგა წინ. ბედნიერი ვარ, როდესაც ვაცნობიერებ, რომ წლების განმავლობაში ინგლისელთან ერთად უნდა ვიასპარეზო. ის ქმნის საგოლე მომენტებს და შესანიშნავია დამაგვირგვინებელ ფაზაში.“
„როდესაც „რეალის“ ფეხბურთელი გავხდი, ნაკლები პასუხისმგებლობა მქონდა, ახლა კი ამ კომპონენტში მნიშვნელოვანი ცვლილებებია. ახლა ჩემი როლი „ბლანკოსში“ დიდია, სწორედ ამიტომ პროფესიონალური თვალსაზრისით განვითარება მმართებს. მე ვიცავ მსოფლიოს საუკეთესო გუნდის ღირსებას, სწორედ ამიტომ, ყველა მატჩში ბოლომდე ვიხარჯები.“
„კარიერას დიდი სიამოვნებით დავასრულებდი სამეფო კლუბში, მაგრამ არასდროს მავიწყდება „ფლამენგო“. ჩემს მშობლებს პირობა მივეცი, რომ ყოფილ კლუბში დავბრუნდებოდი და ასეც იქნება.“
- 14 ოქტომბერი 2023
- 6 705
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
