ხოსელუ მატო ესპანეთის ნაკრებთან ერთად იმყოფება. „რეალის“ ფორვარდმა გუშინ პრესკონფერენცია გამართა, სადაც კითხვების უმეტესობა მის მომავალს და სამეფო კლუბს უკავშირდებოდა...

„ბენზემა? სიმართლე გითხრათ, მე „რეალში“ ბენზემას შესაცვლელად არ მოვსულვარ. ვიცოდი, რომ კარიმი რჩებოდა, თუმცა შემდეგ ბევრი რამ შეიცვალა და ფრანგმა გუნდის დატოვება გადაწყვიტა.“

„ტრანსფერები? ეს კლუბი ძალიან მომთხოვნია. ვთვლიდი, რომ პერესი კიდევ დაიმატებდა წინახაზელს, თუმცა ასე არ მოხდა.“

„მე ჩემი ცხოვრების კლუბში ვარ. ოცნება ამიხდა. დიახ, მართალია ეს ყველაფერი გვიან მოხდა, თუმცა ყველაფერს გავაკეთებ იმისთვის, რომ აქ დავრჩე. როგორც მოგეხსენებათ, 1 წლიან იჯარას ვადა სეზონის ბოლოს ამოეწურება.“

„მბაპეზე ზაფხულში ბევრი ინფორმაცია მესმოდა, მაგრამ არ ვიცოდი, რა შეესაბამებოდა სიმართლეს და რა არა. მე ფეხბურთელი ვარ და მხოლოდ ფეხბურთის თამაშზე ფიქრს ვამჯობინებ.“

„თუ კილიანი „რეალში“ მოვა, მხოლოდ მივესალმები. დიახ, კონკურენცია გაიზრდება, მაგრამ ეს კლუბის რესურსს მნიშვნელოვნად გაზრდის.“

„მბაპეს გამო „რეალიდან“ წასვლა? თუ სამეფო კლუბში არ დამტოვებენ, ეს არა კილიანის, არამედ ჩემი არაპროდუქტიულობის ბრალი იქნება“

„„პიჩიჩი“? ამაზე საუბარი ადრეა, თუმცა ყველა თავდამსხმელი ოცნებობს საუკეთესო ბომბარდირობა. მახსოვს შარშანდელ სეზონში მთავარ კონკურენტებად ბენზემას და ლევანდოვსკის მივიჩნევდი, ახლა კი ასპარეზზე ბელინგემიც არის გამოსული, რომელსაც საოცარი სტარტი აქვს და საერთოდ არ გამოვრიცხავ, „პიჩიჩი“ მიიღოს.“

„ვცდილობ, საკუთარი შესაძლებლობები მაქსიმალურად გამოვავლინო და კარლო ანჩელოტის ნდობა გავაღრმავო. მერწმუნეთ, მაქსიმუმს ვაკეთებ და ცუდი შედეგებიც არ მაქვს.“

„ჯუდი „რეალში“ სათამაშოდ დაიბადა, ის ძალიან შეიყვარეს „მერენგების“ ქომაგებმა.“

„სათამაშო ნომერი ჩემთვის აქტუალური არ არის, საჭიროების შემთხვევაში 25 ნომერსაც ავირჩევდი.“

„თითოეული ფეხბურთელის მიზანი შედეგზე ორიენტირება უნდა იყოს, მთელი ცხოვრება ამაზე ვაკეთებდი აქცენტს.“