ესპანური გამოცემების ცნობით, ვინისიუს ჟუნიორის ხელფასი სამეფო კლუბში მნიშვნელოვნად იზრდება...

ბრაზილიელი ფეხბურთელის წლიური შემოსავალი 12 მილიონი ევრო იქნება. გარდა ამისა, გათვალისწინებულია საბონუსე სისტემაც, რომელიც გატანილ გოლებს და მოგებულ ტიტულებს უკავშირდება.

ლა ლიგის ბომბარდირობის შემთხვევაში, ვინისიუსი დამატებით 2.5 მილიონ ევროს მიიღებს, იგივე გავრცელდება ჩემპიონთა ლიგის ბომბარდირობაზეც.

და ბოლოს, იმ შემთხვევაში, თუ ვინი სამეფო თასს, ჩემპიონთა ლიგას და ლა ლიგას ერთობლივად მოიგებს, მისი შემოსავალი დამატებით 5 მილიონი ევროთი გაიზრდება.

ფლორენტინო პერესი ყველაფერს აკეთებს იმისთვის, რომ ბრაზილიელ ვარსკვლავს კიდევ უფრო მეტი მოტივაცია მისცეს.