დანიელ კარვახალმა „ოსასუნასთან“ დაპირისპირების შემდეგ კომენტარი გააკეთა...

„ჩვენი მიზანი სანაკრებო შესვენებაზე პირველი ადგილით გასვლა იყო და მიზანი მიღწეულია. გუნდმა პირველივე წუთებიდან დიდი ინიციატივა იგდო ხელთ და შედეგიც სახეზე გვაქვს. არაერთი მომენტი შევქმენით და დამსახურბულ გამარჯვებას მივაღწიეთ. სეზონის დაწყებიდან დღემდე გაუმჯობესებაზე ვართ ორიენტირებულები, გუნდი ბოლომდე იხარჯება და ცდილობს, სასურველი შედეგები დააფიქსიროს.“

„დაცვაში ეფექტურად ვითამაშეთ. ყოველთვის მნიშვნელოვანია ბევრი გოლის გატანა და საკუთარი კარის მშრალად შენახვა. ამ მხრივ პრობლემები არ გვქონია. დიდი მადლობა გულშემატკივრებს, რომლებიც ძალიან მამხნევებდნენ, ეს მართლაც გამორჩეული საღამო იყო.“

„თუ არ ჩავთვლით „სოსიედადთან“ მატჩის დროს გადატვირთულობას, არანაირი პრობლემა არ მაქვს. ვიცი, რომ ბევრი უნდა ვიმუშავო მადრიდის „რეალის“ დაცვის მარჯვენა ფლანგის უსაფრთხოებისა და მრავალფეროვნებისთვის. თავს კარგად ვგრძნობ და მთელ სეზონს იმედის თვალით ვუყურებ.“

„ბელინგემი ფანტასტიკურია. დარწმუნებული ვარ, ინგლისელი ფეხბურთელი „ბლანკოსს“ ბევრ ტიტულს მოუტანს.“