როგორც სხვადასხვა წყაროები იუწყებიან, მადრიდის ”რეალმა, ინგლისის ”ლივერპულს” მამადუ დიარას ყიდვა შესთავაზა...

მადრიდში მიიჩნევენ, რომ დიარა ზედმეტია, მითუმეტეს მაშინ, როდესაც ”რეალს” დაემატა სემი ხედირა.

29 წლის ფეხბურთელს 1 წელი დარჩა ”რეალში” სათამაშოდ. კლუბის მესვეურები კი ცდილობენ, რომ მამადუ სარფიანად გაყიდონ, ვინაიდან იგი მომავალ წელს უფასოდ დატოვებს გუნდს.

”ლივერპულს” კი ძალიან სჭირდება საყრდენი ნახევარმცველი, ვინაიდან გუნდი დატოვა ხავიერ მასკერანომ, რომელიც ”ბარსელონაში” გადავიდა.

მაჰამადუ ადრე ამბობდა, რომ უნდოდა პრემიერ ლიგაში თამაში. ახლა კი მას ძალიან კარგი შანსი გაუჩნდა.

”ძალიან კარგი იქნება თუ ინგლისში წავალ, რადგან მე თამაში მინდა, რაც მადრიდში მაკლია” - განაცხადა დიარამ.


წყარო:skysports.com