ჯერ კიდევ 2 დღის წინ გავრცელდა ინფორმაცია იმის შესახებ, რომ ლეროი სანე „ბაიერნის“ დატოვებისთვის ემზადება და ზაფხულში კლუბის შეცვლა აქვს განზრახული. გერმანელ ფეხბურთელსა და „რეკორდმაისტერს“ შორის ახალ კონტრაქტზე მოლაპარაკებები ვერ შედგა...

თავის მხრივ, ფლორენტინო პერესი გამოცდილი შემტევისთვის 55 მილიონ ევროს ამზადებს, თუმცა როგორც ჩანს, სამეფო კლუბს „ბარსელონას“ სახით სერიოზული კონკურენტი ეყოლება.

ბრძოლაში ჩართვას კატალონიური კლუბის პრეზიდენტი, ჟოან ლაპორტაც აპირებს, თუმცა მისთვის 55 მილიონი ევროს გადახდა საკმაოდ რთული ამბავი იქნება, სწორედ ამიტომ „რეალს“ ამ მხრივ უპირატესობა აქვს.

ფაქტი ისაა, რომ სანე ლა ლიგაში თამაშს აქტიურად განიხილავს. მოთამაშემ არჩევანი უნდა გააკეთოს - „რეალი“, თუ „ბარსელონა“! ლეროი ახალ გამოწვევას ზაფხულში მიიღებს.