კარლო ანჩელოტიმ „ოსასუნასთან“ დაპირისპირების წინ პრესკონფერენცია გამართა და გუნდში არსებული ვითარება მიმოიხილა...

„არაჩვეულებრივი მოვლენაა, რომ მსოფლიოს 2030 წლის ჩემპიონატის ერთ-ერთი მასპინძელი ესპანეთია. ვფიქრობ, მხოლოდ პოზიტიური ნიუანსები უნდა დავინახოთ.“

„დავიდ ალაბა „ოსასუნასთან“ ვერ დაგვეხმარება, რადგან მზად არ არის, სწორედ ამიტომ არჩევანს ფერლან მენდისა და ჩუამენის შორის გავაკეთებთ. ეს უკანასკნელი დაცვით ფუნქციებს ყოველთვის კარგად ასრულებს, სწორედ ამიტომ არსებობს ვარაუდი იმისა, რომ რუდიგერს კარგად შეუწყვილდება. ვნახოთ, რა გადაწყვეტილებას მივიღებთ საბოლოო ჯამში.“

„ვინისიუსთან სასამართლოს შემდეგ საუბარი არ მქონია, ის თავს კარგად გრძნობს.“

„მოდრიჩთან გაუგებრობა არ არსებობს, ის წასვლას არ განიხილავს, არაფერი მსმენია იმის შესახებ, რომ იანვრის სატრანსფერო ფანჯრის დროს ლუკიტა წასვლას აპირებს.“

„მაქსიმუმი უნდა გავიღოთ იმისთვის, რომ „ოსასუნა“ დავამარცხოთ და სანაკრებო შესვენებაზე პირველი ადგილით გავიდეთ.“

„მოდრიჩმა იტალიაში ითამაშა. ვერ დაგეთანხმებით, რომ ის სულ სათადარიგო სკამზე ზის. ხორვატი ხშირად მიიღებს სათამაშო დროს, ის ბედნიერია და მჯერა, რომ ბევრჯერ დაგვეხმარება.“

„არ აქვს მნიშვნელოვანი რამდენი ადამიანი მიმართავდა ვინისიუსს რასისტული გამონათქვამებით. ფაქტი ის არის, რომ საღამო საშინელი იყო და ბრაზილიელ ფეხბურთელს მხარდაჭერა სჭირდებოდა.“

„ბერნაბეუ მსოფლიოში საუკეთესო სტადიონია და რა თქმა უნდა, მუნდიალის ფინალის აქ ჩატარება საოცრება იქნება.“

„დიახ, როდრიგო ბოლო დროს გოლებს ვერ იტანს, მაგრამ გუნდს სხვა კომპონენტებში ეხმარება. დაველოდოთ მოვლენების განვითარებას, ის აუცილებლად გაიტანს, თანაც ბევრს.“

„ვეთანხმები თუ არა სიმეონეს? დიახ, ვეთანხმები, მე შესანიშნავი ახალგაზრდები მყავს, თუმცა გუნდი გამოცდილ ფეხბურთელებზეც დგას, რომლებიც ახალგაზრდებს გამოცდილებას უზიარებენ და მნიშვნელოვან დარიგებებს აძლევენ.“

„ფრან გარსია შესანიშნავია და მიხარია, რომ ეროვნულ ნაკრებში გამოიძახეს, ის ნამდვილად იმსახურებს ადგილს „ფურია როხას“ რიგებში.“

„ვინისიუსსა და ბელინგემს შორის კარგი ურთიერთქმედებებია. ვფიქრობ, ორივე უდიდეს წვლილს შეიტანს „ბლანკოსის“ წარმატებაში.“