ხოსელუმ „ჟირონას“ წინააღმდეგ თავის გამოჩენა შეძლო. ფაქტია, ახალწვეული ფორვარდი თითქმის ყველა მატჩში ახერხებს თავის გამოჩენას...

„ძალიან მნიშვნელოვანი მატჩი ჩავატარეთ. ვიცოდით, რომ გამარჯვება გვჭირდებოდა და ამისთვის თავგანწირვით თამაში იყო საჭირო. ჩვენ ახლა პირველ ადგილზე ვართ და მაქსიმალურად უნდა ვეცადოთ სატურნირო მდგომარეობის გამყარებას.“

„კარი მშრალად შევინახეთ, მეტოქეს კი 3 გოლი გავუტანეთ, რაც უკვე მეტყველებს იმაზე, რომ მოწოდების სიმაღლეზე ვიდექით. ზოგადად, „რეალის“ წინააღმდეგ ყველა გუნდი გაორმაგებული მოტივაციით თამაშობს, გამონაკლისი კი არც „ჟირონა“ იყო.“

„კარგად ვარ და თავდაჯერებულობის ნაკლებობას არ განვიცდი. სტარტი მართლაც შესანიშნავი იყო. ამ სეზონში ბევრი გოლის გატანას ვაპირებ და მჯერა, რომ თანაგუნდელების დახმარებით ამას მოვახერხებ.“

„ეს დღეები ჩემი ცხოვრების ყველაზე მნიშვნელოვანი ნაწილია. „რეალში“ დაბრუნებაზე ვოცნებობდი და ეს მოხდა კიდეც. მჯერა, გუნდის მაისურს დიდხანს ვატარებ და წარმატებული ვიქნები.“

„ბელინგემს ბურთთან ერთად მოძრაობის საოცარი უნარი აქვს, ინგლისელთან ერთად თამაში დიდი კომფორტია.“