ვიქტორ ოსიმენის საქმეები „ნაპოლიში“ არც ისე კარგად მიმდინარეობს, ბოლოდროინდელმა მოვლენებმა წინახაზელი ძალიან გააბრაზა...

SkySports-ის ინფორმაციით, ლონდონის „ჩელსი“, მადრიდის „რეალი“ და საუდის არაბეთის რამდენიმე კლუბი ვიქტორის დამატებით ინტერესდება და ზამთრის სატრანსფერო ფანჯრის დროს გააქტიურებას გეგმავს.

ესპანური გამოცემები კი იუწყებიან, რომ ფლორენტინო პერესმა ნეაპოლიტანური კლუბის თავდამსხმელს უკვე აცნობა, რომ „ბლანკოსს“ ინტერესი აქვს.

მიუხედავად იმისა, რომ „რეალი“ ზამთარში აქტიურობას არ გეგმავდა, ოსიმენი შესაძლოა გამონაკლიად იქცეს, ვინაიდან ის სხვა კლასის ფორვარდია და „თეთრებს“ კარგი შანსი აქვთ ფეხბურთელის დამატების.