სამეფო კლუბის ხელმძღვანელობა ვერაფრით იგებს, რა გადაწყვეტილებები მიიღო კარლო ანჩელოტიმ მადრიდულ დერბიში...

„ატლეტიკოს“ წინააღმდეგ დაპირისპირებაში გუნდმა სრულად გამოიყენა ნახევარდაცვის რესურსი და ერთობლივად ითამაშეს მოდრიჩმა, კროოსმა, ბელინგემმა, ვალვერდემ და კამავინგამ. ეს კი იმ ფონზე მოხდა, რომ წინა ხაზში მხოლოდ როდრიგო იყო გამწესებული, რომელიც მარტო ფონს ვერ გადიოდა.

პერესის აზრით, ბელინგემის პოზიციის შეცვლაც არასწორი გადაწყვეტილება იყო. ასევე გაუგებარია რატომ არ ითამაშა ხოსელუმ, რომელმაც წინა თამაშებში ბრწყინვალე შთაბეჭდილება დატოვა, ხოლო „მეტროპოლიტანოზე“ მოედნაზე შესვლა დააგვიანა.

„მარკას“ ცნობით, ხელმძღვანელობას ასევე არ მოსწონს კროოსის და მოდრიჩის სასტარტოში ერთად დაყენების ინიციატივაც.

ფაქტია, რომ სამწვრთნელო შტაბის გადაწყვეტილებებს მოწონება არ ჰქონდა, შედეგი კი მართლაც საშინელი იყო, თუმცა კარლოს მიმართ ნდობასთან დაკავშირებით ესპანეთის დედაქალაქში პრობლემები არ არსებობს.