ორელიან ჩუამენის „პსჟ“-ს მხრიდან არსებულ ინტერესზე ჰკითხეს. ფრანგმა ფეხბურთელმა 1 წლის წინ განვითარებული მოვლენები გაიხსენა...

„„პსჟ“-ში გადასვლა რეალური იყო, მე მქონდა ოფიციალური შემოთავაზება, ვინაიდან ყველამ იცოდა, რომ „მონაკოს“ დატოვებას ვაპირებდი.“

„შემდეგ გამოჩნდა „რეალი“ და რა თქმა უნდა, სამეფო კლუბში თამაში ავირჩიე.“

„მე უდიდეს პატივს ვცემ პარიზულ გუნდს და მივიჩნევ, რომ საფრანგეთში ეს კლუბი ახალ ისტორიას წერს, თუმცა „ბლანკოსი“ დიდი ოცნება იყო და მიღებულ გადაწყვეტილებას არცერთი წუთით არ ვნანობ.“

„ლუკა მოდრიჩთან, კროოსთან და სხვებთან ერთად თამაში უდიდეს სიამოვნებას მანიჭებს.“

„მე მჯერა, რომ „რეალში“ წლების განმავლობაში დავრჩები და ერთმანეთზე უკეთესი სეზონები მექნება.“

„ანჩელოტისთან მუშაობა დიდი გამოცდილებაა. იტალიელი სპეციალისტი ნახევარმცველებთან ყოველთვის განსაკუთრებულად მუშაობს.“