კარლო ანჩელოტიმ „იუნიონ ბერლინთან“ დაპირისპირების წინ პრესკონფერენცია გამართა და გუნდში არსებული სიტუაცია მიმოიხილა.

„ხვალ კარგად თამაშს ვგეგმავთ. „იუნიონ ბერლინმა“ შარშან შესანიშნავი შთაბეჭდილება დატოვა, ახლა კი ჩემპიონთა ლიგაზეა და დარწმუნებული ვარ, ბოლომდე იბრძოლებს სასურველი შედეგის მისაღწევად.“

„„რეალი“ ყოველთვის არის ჩემპიონთა ლიგის ფავორიტი, როდესაც საქმე სამეფო კლუბს ეხება, მოთხოვნები ყველაზე დიდია. ვფიქრობ, „სიტი“ კვლავ იბრძოლებს, რადგან ბრწყინვალე გუნდი ჰყავს, მაგრამ ჩვენ ყველა კონკურენტის დასამარცხებლად მზად უნდა ვიყოთ.“

„დანი კარვახალს დაზიანება აქვს, ის განაცხადში ვერ მოხვდება, სასტარტო შემადგენლობაში კი ლუკას ვასკესს იხილავთ.“

„კომფლიქტი მოდრიჩთან? უკვე გითხარით, რომ მასთან არანაირი პრობლემა არ მაქვს. ხორვატი ფეხბურთელი ჩემპიონთა ლიგის მატჩში მონაწილეობას მიიღებს.“

„ქალთა ფეხბურთში არსებულ საკითხებთან დაკავშირებით კითხვებზე არ გიპასუხებთ.“

„არდას აღდგენითი პროცესი ფაქტობრივად დასრულებულია, ის მომდევნო კვირიდან ჩვენთან ერთად იქნება.“

„ძლიერ, სოლიდურ და კარგად ორგანიზებულ გუნდს ვეთამაშებით, სწორედ ამიტომ ყურადღება გვმართებს. ჩვენ შეგვიძლია წარმატების მიღწევა.“

„რაფა ნადალის პრეზიდენტობა? თუ ასე მოხდება, მე მას მივულოცავ, თუმცა ახლა ვთვლი, რომ ფლორენტინო პერესი „რეალის“ ბრწყინვალე და ისტორიაში საუკეთესო მმართველია.“