ფედერიკო ვალვერდესთან დაკავშირებით ბრიტანული გამოცემები ძალიან საინტერესო ინფორმაციას ავრცელებენ...

როგორც ჩანს, ურუგვაელი ნახევარმცველი ლონდონის „ჩელსის“ ახალი თავკაცის, მაურისიო პოჩეტინოს ნამდვილი ფავორიტი იყო.

სატრანსფერო ფანჯრის ბოლოსწინა დღეს ფედემ „არისტოკრატებისგან“ არანორმალურად მიმზიდველ წინადადებაზე თქვა უარი. „ჩელსი“ მზად გახლდათ, მოთამაშისთვის 5 წლიანი კონტრაქტი გაეფორმებინა, სადაც ვალვერდეს ხელფასი ჯამურად 100 მილიონი ევრო იქნებოდა.

გამოდის, რომ ფედემ წლიურად 20 მილიონის მიღებაზე თქვა უარი, რაც 2,5-ჯერ მეტია მის მადრიდულ სარგოზე.

ამ საქციელით ფედემ ფლორენტინო პერესს და „ბლანკოსის“ ყველა გულშემატკივარს დაუმტკიცა საკუთარი სიყვარული და გმირული თავდადება გუნდის მიმართ.