დანიელ კარვახალმა სამომავლო გეგმებსა და მადრიდის „რეალზე“ ისაუბრა. ესპანელმა განაპირა მცველმა ასევე გაიხსენა „რეალის“ ლეგენდარული ტრიო...

„ის, რაც კრიშტიანო რონალდუმ, ბენზემამ და გარეთ ბეილმა ერთად შეძლეს, ვერავინ შეძლო. მადრიდის „რეალი“ მათ ეპოქაში ყველაზე წარმატებული კლუბი იყო და ჩემპიონთა ლიგის ზედიზედ სამჯერ მოგება მოახერხა.“

„ჩემი ოცნება კარიერის მადრიდის „რეალში“ დასრულებაა, სხვა კლუბზე ფიქრიც არ შემიძლია.“

„გადავალ თუ არა საუდის არაბეთში? პასუხი ნათელია, რომელიც სულ ცოტა ხნის წინ გითხარით. მე კარიერის დასრულება „მერენგების“ რიგებში მსურს.“

„ეს არის ისტორიით სავსე გუნდი, სადაც თამაში უდიდესი ბედნიერებაა. მადრიდული გრანდი ყოველთვის მოწოდების სიმაღლეზე უნდა იდგეს.“