ესპანური გამოცემების ცნობით, ყატარელი ემირი კილიან მბაპეს არანორმალურ წინადადებას სთავაზობს და მზად არის, კონტრაქტს ხელი მოაწეროს, რომელიც ფრანგის პარიზში დარჩენას 2029 წლის 30 ივნისამდე გაითვალისწინებს...

5 წლიანი კონტრაქტის სანაცვლოდ მბაპეს შეუძლია 1 მილიარდი ევრო მიიღოს, რაც იმას ნიშნავს, რომ კილიანს წლიურად 200 მილიონი ევროს გამომუშავების საშუალება ექნება.

თუმცა ეს ყველაფერი არ არის. ახალი შეთანხმებით ყატარელები მბაპეს მოტივაციას კიდევ უფრო უმაღლებენ. ჩემპიონთა ლიგის მოგების შემთხვევაში, კილიანი 60 მილიონს მიიღებს.

ბონუსები ასევე გათვალისწინებულია ჩემპიონთა ლიგის ბომბარდირობის, საფრანგეთის ჩემპიონატის ბომბარდირობის და ოქროს ბურთის მოგებაზეც.

ესპანელები იუწყებიან, რომ თუ მბაპე ამ წინადადებას დაბლოკავს, მისი „რეალში“ თამაში გადაწყვეტილი იქნება, ვინაიდან ასეთი შეთავაზება სხვა გუნდისგან ბუნებაში არ არსებობს.