ესპანური გამოცემების ცნობით, 2024 წელს მადრიდის „რეალი“ 3 სუპერ ვარსკვლავის შეძენას შეეცდება, თუმცა შესაძლოა დამატებით სხვა მოთამაშეებიც დაიმატოს...

კილიან მბაპეს გამადრიდელება კვლავ ძალაში იქნება, თუმცა ეს არ იქნება დაუსრულებელი საგა, ვინაიდან ფრანგს „პსჟ“-სთან კონტრაქტი 2024 წლის 30 ივნისს ეწურება და სწორედ ამ დროს გახდება ცნობილი, რას გადაწყვეტს წინახაზელი.

გარდა მბაპესი, პერესი მაქსიმუმს გაიღებს ალფონსო დეივისის დასამატებლად, რომლის ფასიც 70-იდან 80 მილიონ ევრომდე მერყეობს. პერესი მიიჩნევს, რომ კანადელმა აუცილებლად უნდა იასპარეზოს ბერნაბეუზე.

მესამე ფეხბურთელი ერლინგ ჰოლანდია, რომელიც „სიტისთან“ ახალ კონტრაქტზე ვერშეთანხმების შემთხვევაში, 150 მილიონ ევროდაც გაიყიდება, ვინაიდან მთავარი სწორედ მისი სურვილია. მანჩესტერულ მხარეს 2024 წლის 30 ივნისიდან არ ექნება არანაირი ბერკეტი, რომელიც ფეხბურთელის სურვილის წინააღმდეგ მოქმედების საშუალებას მისცემს.

გარდა ამისა, მადრიდში დიდ ყურადღებას ამახვილევენ რის ჯეიმსსა და კიდევ რამდენიმე ფეხბურთელზე, თუმცა ამაზე საუბარი ახლა ნაადრევია.