ედუარდო კამავინგამ საფრანგეთის ნაკრებთან ერთად იმყოფება. ახალგაზრდა ნახევარმცველმა ჟურნალისტებთან საუბრისას „რეალში“ მიღებულ გამოცდილებას გაუსვა ხაზი...

„2 წელი მცირე დრო არ არის, მაგრამ მერწმუნეთ, „რეალის“ რიგებში ამ ხნის განმავლობაში მიღებული გამოცდილება შესაძლოა სხვაგან 10 წლის განმავლობაში ვერ მიიღო. ეს არის ყველაზე დიდი გუნდი, სადაც ვარჯიშიც კი მაგიურია.“

„დარწმუნებული ვარ, წინ უდიდესი წარმატება გველის, მიღწეულით კი ნამდვილად ვერ დავკმაყოფილდებით.“

„„მერენგების“ რიგებში მეგა ვარსკვლავები თამაშობენ, მათთან ერთად ყოველდღიური ცხოვრება დიდი ბედნიერებაა.“

„როდესაც შეკრებაზე მიდიხარ და რჩევებს კროოსი-მოდრიჩის დუეტისგან იღებ, უფრო შემართული და თავდაჯერებული ხდები. მე და ჩუამენის გაგვიმართლა, რადგან ჩვენთან ერთად მსოფლიოში უკონკურენტო ნახევარმცველები არიან.“