OKDIARIO - „სიტი“ ჰოლანდს 52 მილიონს სთავაზობს და „რეალის“ ეშინია!
OKDiario-ს ინფორმაციით, მანჩესტერ „სიტი“ თადარიგს იჭერს და სურს, რომ ერლინგ ჰოლანდთან ახალი კონტრაქტი გააფორმოს. მანჩესტერელები ხვდებიან, რომ 2024 წელს მისი გაშვების საფრთხე არსებობს, ვინაიდან მხარეებს შორის არსებული ხელშეკრულების შესაბამისად, თუ ნორვეგიელი გუნდის წასვლას გადაწყვეტს, „ქალაქელები“ მას ვერ შეეწინააღმდეგებიან...
„სიტიში“ არ ფიქრობენ, რომ მთავარი საფრთხე საუდის არაბეთია. გვარდიოლას გუნდის აზრით, ფლორენტინო პერესი 2024 წლის ზაფხულში „რეალის“ შეტევით ხაზს აუცილებლად გააძლიერებს, სწორედ ამიტომ ჰოლანდი უმთავრესი მიზანი იქნება.
„სიტი“ მზად არის, ნორვეგიელს ახალი, 6 წლიანი კონტრაქტი შესთავაზოს, სადაც მისი წლიური ანაზღაურება 52 მილიონი ევრო იქნება.
მანჩესტერელები დარწმუნებულები არიან, რომ „რეალი“ წინახაზელს წლიურად ამხელა თანხას ვერ გადაუხდის და ფლორენტინო პერესის მაქსიმუმი 25-30 მილიონი ევრო იქნება.
იმ შემთხვევაში, თუ ჰოლანდი გვარდიოლას ხელმძღვანელობის წინადადებას მიიღებს, გუნდიდან საკუთარი სურვილით წასვლის პუნქტი ანულირდება, მის გამოსასყიდ თანხად კი 1 მილიარდი ევრო განისაზღვრება.
- 7 სექტემბერი 2023
- 1 447
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
