სერხიო რამოსის პრეზენტაცია „სევილიაში“ შედგა. ლეგენდამ არაერთ შეკითხვას უპასუხა...

„ჩემთვის ბერნაბეუზე დაბრუნება ძალიან ემოციური იქნება, ამის შესახებ უკვე ვთქვი კიდეც. დარწმუნებული ვარ, გულშემატკივრები დიდ სიყვარულს გამომიხატავენ, რადგან იციან, რამდენად ძვირფასია ჩემთვის სამეფო კლუბი.“

„როდესაც სანტიაგო ბერნაბეუზე თამაშის დრო მოვა, „რეალის“ ფეხბურთლებს ჩავეხუტები, გულშემატკივრებს კი გრანდიოზულად მივესალმები, ამის წარმოდგენაც კი მანერვიულებს.“

„დიდი მადლობა ყველას, მათ შორის მოდრიჩს, კურტუას და სხვებს, რომლებმაც დამირეკეს და ლა ლიგაში დაბრუნება მომილოცეს.“