ლუკას ვასკესმა „ხეტაფეს“ დამარცხების შემდეგ ჟურნალისტებთან ისაუბრა...

„ეს იყო ძალიან რთული მატჩი გუნდთან, რომელიც დაცვაზე უდიდეს აქცენტს აკეთებდა. სწორედ ამიტომ გოლების გატანა კიდევ უფრო დიდ სირთულეებთან იყო დაკავშირებული. მივიჩნევ, რომ „რეალის“ ყველა ფეხბურთელმა აჩვენა მოთმიმენა და პროფესიონალიზმი, რამაც საბოლოო ჯამში 3 ქულა მოგვიტანა.“

„4-იდან 4 მატჩი მოვიგეთ და აქტივში 12 ქულა გვაქვს. ამასთანავე უნდა აღინიშნოს, რომ 3 დაპირისპირება გასვლაზე გავმართეთ.“

„გულშემატკივრებს დიდ მადლობას ვუხდი. უდიდეს მხარდაჭერას ვგრძნობდით, ბერნაბეუმ კიდევ ერთხელ აჩვენა ერთგულება.“

„სეზონი კარგად დაიწყო, მომავალში კი განსაკუთრებული სტაბილურობის გამოჩენას ვგეგმავთ. ჩვენთვის ძალიან მნიშვნელოვანი იქნება სანაკრებო პაუზის შემდეგ ეფექტური დაბრუნება.“