ჯუდ ბელინგემმა „ხეტაფეს“ დამარცხების შემდეგ ჟურნალისტებთან ისაუბრა...

„მსგავსი რამ არასდროს განმიცდია. გოლის გატანის შემდეგ შთამბეჭდავი ხმაური გაისმა. დიახ, ეს იყო გულშემატკივართა არანორმალური მხარდაჭერა, რომელიც 90 წუთის მანძილზე ძალიან გვაძლიერებდა. მადრიდის „რეალს“ საოცარი გარემოს უქმნიან. ურთულესი მატჩი მოვიგეთ, ქომაგებმა კი მე-12 ფეხბურთელის ფუნქცია კარგად შეასრულეს.“

„პირველი გოლი ჩვენს კარში გავუშვით, მაგრამ რეაქცია კარგი იყო. გუნდი მობილიზდა და შეტევები დაიწყო. მეორე ტაიმში აბსოლუტური დომინაცია გვქონდა, რამაც საბოლოო ჯამში შედეგი გამოიღო.“

„მე ვფიქრობ, რომ წინსვლა შემიძლია, გოლების გატანა კი ძალიან მახარებს. ანჩელოტიმ გოლის შემდეგ მომილოცა და მითხრა, რომ ფანებს თავი კიდევ უფრო შევაყვარე.“

„ფეხი მიწაზე მიდგას და ვცდილობ, რეალობა მაქსიმალურად გავითავისო. ეს არის მართლაც სიზმარი, მაგრამ მთავარი მუშაობის გაგრძელებაა. ძალიან ბედნიერი ადამიანი ვარ და ვთვლი, რომ გამიმართლა, რომ აქ მოვხვდი.“

„როდესაც „რეალთან“ კონტრაქტს ხელი მოვაწერე, ბერნაბეუზე თამაშზე ვოცნებობდი. ეს უკვე მოხდა, მე კი საოცარი დებიუტი გამომივიდა.“