ანჩელოტი:„ბელინგემის სახით ნამდვილი ვარსკვლავი გვყავს“
კარლო ანჩელოტიმ „ხეტაფეს“ დამარცხების შემდეგ პრესკონფერენცია გამართა...
„ეს იყო ძალიან რთული მატჩი, რასაც გარკვეული გარემოებები განაპირობებდა. მე ვფიქრობ, რომ „ხეტაფეს“ მხრიდან გოლის გატანამ, ბორბალასს დაცვის გაძლიერებისკენ უბიძგა. სივრცეები ფაქტობრივად არ არსებობდა, რაც ჩვენს ამოცანას ართულებდა.“
„მეორე ტაიმში გოლის გატანამ მეტი შანსი და მოტივაცია მოგვცა. ფეხბურთელემა შესაძლებლობები გამოავლინეს და საბოლოო ჯამში სასურველ შედეგს მიაღწიეს.“
„ფრან გარსიამ სეზონი ძალიან კარგად დაიწყო, მან დღეს შეცდომა დაუშვა, მაგრამ ეს არაფერს ცვლის.“
„დაცვაში მცირე ცვლილებები განვახორციელე და ალაბა ფლანგზე გადავიყვანე. კროოსი? ის რა თქმა უნდა, მეტ შესაძლებლობას შექმნიდა, გერმანელი დიდი პროფესიონალია.“
„სანტიაგო ბერნაბეუ საოცარი არენაა. რეკონსტრუქციის შემდეგ სტადიონი კიდევ უფრო მიმზიდველი გახდა. გულშემატკივრებმა დიდი დახმარება გაგვიწიეს.“
„კროოსი და მოდრიჩი? მათი დარი ნახევარმცველი მსოფლიოს არ ჰყავს, მაგრამ ახალგაზრდა თაობისთვის შანსის მიცემას არასწორ ნაბიჯად არ მივიჩნევ. როგორც ლუკა, ასევე ტონი ბევრს ითამაშებენ.“
„ბელინგემისგან ამდენი გოლის გატანა მიკვირს, მაგრამ ფაქტია, რომ ჯუდი ამას ახერხებს, რაც ძალიან მახარებს. ჯუდი ჩვენი სიმდიდრეა.“
„„ბარსელონასთან“ კონკურენცია? სიმართლე გითხრათ, „ბარსას“ ბელინგემი არ ჰყავს. (იცინის).
„ახლა კვირაში ერთ თამაშს ვატარებთ, მაგრამ შემდეგ დაიწყება ჩემპიონთა ლიგა და სამეფო თასი, რაც იმას ნიშნავს, რომ როტაცია აუცილელბად მომიწევს. სწორედ ამიტომ, შანსს ყველა მიიღებს.“
„კროოსმა შესანიშნავად იცის სიტუაციის წაკითხვა. მას აქვს გამოცდილება, ხარისხი, ბურთის ფლობის საოცარი უნარი და ასე შემდეგ. გერმანელი მართლაც საოცარია.“
„მიუხედავად საშინელი ტრავმებისა, გუნდმა 4-იდან 4 მატჩი მოიგო. მე ვფიქრობ, რომ ახალმა ტაქტიკამ ჯუდს შესაძლებლობების გამოვლენის საშუალება მისცა, სწორედ ამიტომ თამაშობს ბელინგემი ასეთ დონეზე.“
„მე ვფიქრობ, რომ ბელინგემის ადაპტაციას დრო არ სჭირდება, ის ადაპტირებულია და გუნდისთვის დიდი დახმარების გაწევას ახერხებს.“
„პენალტის შემსრულებლები? ამ სარამოს თერთმეტმეტრიანის გატანაზე ხოსელუ და ლუკა მოდრიჩი იზრუნებდნენ.“
„ჩვენ შეგვიძლია 90 წუთის განმავლობაში დიდი ინტენსივობა შევინარჩუნოთ, ეს კი ახალგაზრდების დამსახურებაა. გუნდს საოცარი მომავალი თაობა ჰყავს.“
„ბელინგემი მარტივად არღვევს ხაზებს და ხშირად ამწვავებს სიტუაციას, ის უბურთოდაც საოცარია. არ გამოვრიცხავ, ჯუდმა 15 გოლიც კი გაიტანოს.“
„დანიელ კარვახალი საუკეთესო მარჯვენა მცველია, მსოფლიოში მისი კლასის და გამოცდილების მქონე განაპირა მცველი არავინაა.“
- 2 სექტემბერი 2023
- 5 494
- 17
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
