საფრანგეთის ეროვნული ნაკრების მთავარი მწვრთნელი ლორან ბლანი, უკვე ემზადება ევროპის 2012 წლის ჩემპიონატის შესარჩევი ციკლის მატჩებისთვის. ფრანგმა მწვრთნელმა უკვე დაასახელა იმ ფეხბურთელთა სია, რომლებიც იბრძოლებენ ევროპის ჩემპიონატზე გასასვლელად. ამ ფეხბურთელებში ორი მადრიდის "რეალის" ფეხბურთელიც გამოერია, მცველ/ნახევარმცველი ლასანა დიარა და თავდამსხმელი კარიმ ბენზემა.

ფრანგები 3 სექტემბერს პარიზში ბელარუსებს დაუპირისპირდებიან, 7 სექტემბერს კი სარაევოში ესტუმრებიან ბოსნია-ჰერცეგოვინას. შეგახსენებთ, რომ ბლანის დებიუტი საფრანგეთის ეროვნული ნაკრების მთავარი მწვრთნელის პოსტზე, არც თუ ისე წარმატებული გამოდგა. მამლებმა ნორვეგიას დაუპირისპირდნენ, სადაც ზღვისპირელებმა ბლანის შეგირდები 1:2 დაამარცხეს. ამ შეხვედრაში ნაკრების შემადგენლობაში არცერთი ის ფეხბურთელი არ ირიცხებოდა, რომელიც მსოფლიოს 2010 წლის ჩემპიონატზე იყო გამგზავრებული სამხარეთ აფრიკაში. ნორვეგიელებთან მარცხის შემდეგ კი ბლანი მიხვდა, რომ მთავარი ვარსკვლავების გარეშე გუნდის აშენება არც თუ ისე ადვილია.

ნაკრებში ვერ მოხვდა ფრანგული ფეხბურთის ამომავალი ვარსკვლავი იოან გიურკუფი, რომელმაც მსოფლიოს ჩემპიონატზე წითელი ბარათი დაიმსახურა. იმ 23 ფეხბურთელიდან, რომლებიც მსოფლოს ჩემპიონატზე იყვნენ წასულები, მხოლოდ 9 მათგანს ენდო ლორან ბლანი. არიან ასევე ახალწვეულებიც. ლორიანელ კევინ გამეირო, ბორდოელი სედრიკ კარასო, პარიზელი მამადუ სახო და კიდევ ერთ ბორდოელი ბენუა ტრემულინსი.

მეკარეები: სედრიკ კარასო, უგო ლორისი და სტივ მანდანდა.

მცველები: გაელ კლიში, ფილიპ მექსე, ადილ რემი, მამადუ სახო, ბაკარი სანია და ბენუა ტრემულინი.

ნახევარმცველები: აბუ დიაბი, ალუ დიარა, ლასანა დიარა, ფლორენ მალუდა, ჟერემი მენესი და ვალბუენა.

თავდამსხმელები: კარიმ ბენზემა, კევინ გამეირო, ჟილომ ოარუ, ლოი რემი და ლუის საა.

მწვრთნელი: ლორან ბლანი.

სიახლის ავტორი: kaka-ika