ხოსელუ:„პენალტი ვერ გავიტანეთ, მაგრამ სიმშვიდე არ დაგვიკარგავს“
ხოსელუმ „სელტასთან“ გამარჯვების შემდეგ ჟურნალისტებთან ისაუბრა...
„ვიცით, რომ ლა ლიგაში თითოეული მატჩის მოგება უდიდეს სირთულესთან არის დაკავშირებული. დიახ, ჩვენ თერთმეტმეტრიანის გამოყენება ვერ შევძელით, მაგრამ ვიცოდით, რომ შანსი კიდევ მოგვეცემოდა. საბედნიეროდ, ბელინგემს საგოლე გადაცემა გავუკეთე, ეს ბურთი კი გადამწყვეტი აღმოჩნდა და „რეალმა“ კვლავ 3 ქულა ჩაიწერა აქტივში. ჩვენ ცხრილის დამსახურებული ლიდერები ვართ.“
„პირველი სამი ტური გასვლაზე ჩავატარეთ და 100%-იანი შედეგი გვაქვს, რაც თავისთავად ძალიან მნიშვნელოვანი ფაქტია. ახლა ბერნაბეუზე დავბრუნდებით და ვეცდებით, გამარჯვებები საშინაო არენაზე აღვნიშნოთ.“
„მიხარია, რომ გატანილ გოლში წვლილის შეტანა შევძელი. ბელინგემი საოცარია, როგორც საჯარიმოში, ასევე მის ფარგლებს გარეთ. „რეალმა“ ინგლისელის სახით ბრწყინვალე ფეხბურთელის დამატება მოახერხა.“
- 26 აგვისტო 2023
- 701
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
