ესპანური გამოცემების ცნობით, კილიან მბაპე 100%-ით „რეალში“ ითამაშებს. ერთადერთი ვარიანტი, რა შემთხვევაშიც მხარეები ვერ შეთანხმდებიან, „პსჟ“-სთან ახალი კონტრაქტის გაფორმება იქნება...

ფლორენტინო პერესი „ვაჭრობას“ გეგმავს და მაქსიმალურად ეცდება „პსჟ“-ზე ზეწოლა გააძლიეროს, თუმცა საბოლოო ჯამში, თუ „რეალის“ პრეზიდენტი მიხვდება, რომ „პსჟ“ კილიანს არ ყიდის, თანხას მოუმატებს და 200 მილიონ ევრომდე გადაიხდის.

ეს კი ნამდვილად არის ის თანხა, რომელსაც ნასერ ალ ჰელაიფი აუცილებლად დათანხმდება.

„ბლანკოსში“ მიიჩნევენ, რომ კილიანის დამატება 130 მილიონ ევროდ არის შესაძლებელი, თუ ბონუსებიც გათვალისწინებული იქნება.

რამდენიმე ესპანური გამოცემების ცნობით კი, „ბლანკოსმა“ მბაპე შესაძლოა სატრანსფერო ფანჯრის ბოლო საათებშიც კი დაიმატოს, ვინაიდან გუნდს 200 მილიონის გადახდის პერსპექტივაც გათვალისწინებული აქვს.