როგორც მოგეხსენებათ ”მადრიდის რეალი” თავის აღზრდილებს ნაკლებად ენდობა ხოლმე. სამეფო კლუბი ძირითადად ვარსკვლავებს ყიდულობს. როგორც ჩანს ჟოზე მოურინიოს სურს ამ ტრადიციას ბოლო მოუღოს.

ჯერ-ჯერობით პორტუგალიელმა თავკაცმა 8 კანტერანოს მისცა შანსი. ესენი არიან: ადანი, ხუანფრანი, ტებარი, მატეოსი, ალექს ფერნანდესი, ნაჩო, ხუანანი და მაროტა. ყველაზე მეტი დრო მოედანზე ხუანფრანმა, მაროტამ და მატეოსმა გაატარეს, თუმცა მოურინიომ ისინი ამხანაგურ შეხვედრებში ათამაშა.

გასულ სეზონში ”რეალის” თავკაცი მანუელ პელეგრინი იყო. ჩილელი თავკაცი კასტილიელებს არ ენდობოდა. მან მხოლოდ სამ კანტერანოს მისცა შანსი. ხუანფრანი, მოსკერა და მარკოს ალონსო ეს ის ფეხბურთელები არიან, რომლებსაც მანუელმა თავის გამოჩენის საშვალება მისცა, მაგრამ მათ სულ 20 წუთი ითამაშეს. ერთი სიტყვით ”ბლანკოსში” დიდი ცვლილებებია მოსალოდნელი.

ინფორმაციის წყარო:defensacentral.com