ესპანური გამოცემების ცნობით, „უეფასა“ და საუდის არაბეთის წარმომადგენლობას შორის მოლაპარაკებები მიმდინარეობს...

საუდის არაბეთის დიდი სურვილია, რამდენიმე კლუბმა ჩემპიონთა ლიგაზე ითამაშოს, ამისთვის კი ჩემპიონთა ლიგის კალათები უნდა გაფართოვდეს.

„მარკას“ ინფორმაციით, მოლაპარაკებები დაწყებულია, თუმცა არავინ იცის, რა შედეგით დასრულდება.

იმ შემთხვევაში, თუ საუდის არაბეთის კლუბებს ტურნირზე დაუშვებენ, „უეფა“ ევროპის მასშტაბებს გაცდება და უამრავი ცვლილების შეტანა მოუწევს რეგულაციებში.

თუ ჩემპიონთა ლიგის ფორმატი შეიცვლება, ბენზემა, კრიშტიანო რონალდუ და კიდევ ბევრი სხვა ვარსკვლავი ჩემპიონთა ლიგაზე ასპარეზობას შეძლებს.