სამეფო კლუბის ფეხბურთელები დღეს კიდევ ერთხელ შეიკრიბნენ საწვრთნელ ბაზაზე და მორიგი ვარჯიში გამართეს...

პირველ რიგში აღსანიშნავია, რომ დატვირთვას იღებენ ფერლან მენდი და დანი სებალიოსი, ორივე მათგანი მოედანზე დაბრუნებას ეტაპობრივად შეძლებს. როგორც ესპანელი, ასევე ფრანგი გარკვეულ დავალებებს ბურთთან ერთადაც ასრულებს.

კარლო ანჩელოტიმ შეკრებაზე გუნდი ორად გაყო და მოკლე სივრცეში ფეხბურთი ათამაშა. ყურადღება გამახვილდა ბურთის ფლობაზე, პრესინგზე, ტაქტიკურ მონახაზებსა და კარში დარტყმებზე.

ხვალ „მერენგები“ დასკვნით დაპირისპირებას გამართავენ, ხოლო 19 აგვისტოს, 21:30 საათზე „ალმერიასთან“ პაექრობაა ჩანიშნული.