„მარკას“ ინფორმაციით, მადრიდის „რეალი“ სატრანსფერო ფანჯარაზე დამატებით აქტივობებს აღარ გეგმავს...

კლუბმა ამ ზაფხულს დაიმატა ბრაჰიმ დიასი, ხოსელუ, ფრან გარსია, კეპა არიზაბალა, არდა გიულერი და ჯუდ ბელინგემი.

მიუხედავად იმისა, რომ ივლისის თვეში კილიან მბაპესთან დაკავშირებით არაერთი სიახლე გავრცელდა, რომელიც აგვისტოშიც აქტუალური იყო, ფრანგი „პსჟ“-ში რჩება.

„მარკას“ ცნობით, ფლორენტინო პერესი დამატებით აქტივობებს აღარ გეგმავს, კილიანთან დაკავშირებით კი მას შემდეგ იმსჯელებს, რაც სეზონი დაიწყება და ცნობილი გახდება, დატოვებს თუ არა ფრანგი 2024 წელს გუნდს თავისუფალი აგენტის სტატუსით.

„რეალი“ სიმშვიდეს ინარჩუნებს და მოვლენების განვითარებას ელოდება. პერესი პირველ ნაბიჯს იქამდე არ გადადგამს, სანამ არ დარწმუნდება, რომ მბაპეს კლუბის შეცვლა გადაწყვეტილი აქვს.