ფლორენტინო პერესმა კეპა არიზაბალაგას ოფიციალური წარდგენა დაასრულა. „რეალის“ პრეზიდენტმა ფართო საზოგადოებას მიმართა...

„ჩემი მიმართვა მსურს დავიწყო მხარდაჭერის გამოხატვით და მივმართო ტიბო კურტუას და ედერ მილიტაოს, ასევე ჩვენს ახალგაზრდა არდა გიულერს. დღესდღეობით მათთვის რთული დრო დგას, მაგრამ მალე ყველაფერი კარგად იქნება და მოედანზე დაბრუნებას შეძლებენ, ჩვენ მათი სახით დიდი ძალა დავკარგეთ, თუმცა დროის გასვლასთან ერთად „ბლანკოსის“ რესურსი მოიმატებს.“

„ახლა კი ვისაუბროთ არიზაბალაგაზე. ძვირფასო კეპა, ვამაყობ, რომ ჩვენი გუნდის ნაწილი გახდი, შენ ამისთვის ყველაფერი გააკეთე, რის გამოც დიდ მადლობას გიხდი. შენ ნამდვილად ხარ ღირსი იმისა, რომ „რეალის“ გერბი დაიცვა.“

„შენ ხარ მსოფლიოში ერთ-ერთი საუკეთესო ფეხბურთელი, რაც თავისთავად ძალიან მნიშვნელოვანია, სწორედ ამიტომ ვამაყობთ, რომ შეთანხმება შედგა.“

„შენი შრომა, ნიჭი, თავდადება და შემართულობა ყოველთვის თვალსაჩინო იყო. დარწმუნებული ვარ, ეს მომენტი ხშირად გემახსოვრება. ვიცი, რომ ძალიან ბევრს შეძლებ და მადრიდული კარიერა წარმატებული გამოდგება.“

„კეპა, სანტიაგო ბერნაბეუზე „რეალის“ მაისურის ჩაცმა ძალიან ემოციური იქნება, ამაში მერწმუნე. შენ შეიგრძნობ მაგიას, რომელიც ამ არენაზეა.“

„მინდა გითხრათ, რომ ყველას არ შეუძლია მსოფლიოს საუკეთესო კლუბის ღირსების დაცვა, შენ კი ეს ბედნიერება გხვდა წილად. მსურს, წარმატებები გისურვო და მჯერა, რომ ახალ სეზონში ბევრ დასამახსოვრებელ დაპირისპირებას ჩაატარებ.“