ალვარო როდრიგესი „ალავესის“ რადარზე გამოდგა. ახალგაზრდა ურუგვაელი ფეხბურთელი ჯერ-ჯერობით კასტილიას ღირსებას იცავს, მაგრამ მისი იმედი კარლო ანჩელოტისაც აქვს...

„მარკას“ ინფორმაციით, „ბლანკოსს“ მოთამაშის გასხვისება არ სურს და მიიჩნევს, რომ გარკვეულ მომენტებში ფეხბურთელს მთავარი გუნდის ღირსების დაცვაც შეუძლია, სწორედ ამიტომ, მისი „ალავესში“ გაშვება სწორი არ იქნება.

თავად ფეხბურთელის პოზიცია აღნიშნულ საკითხთან დაკავშირებით ჯერ-ჯერობით უცნობია, მსურველი კლუბი კი პირობას დებს, რომ ალვაროს საკმაოდ დიდ სათამაშო დროს განუსაზღვრავს, რაც მას კარიერულ წინსვლასა და განვითარებაში ძალიან დაეხმარება.