როდრიგო გოეშმა „სან მამესზე“ გამარჯვებაში უდიდესი წვლილის შეტანა შეძლო. ბრაზილიელმა ფეხბურთელმა მატჩის შემდეგ ჟურნალისტებთან ისაუბრა...

„ინტენსიური ვარჯიშებისა და განსაკუთრებული მზადების ფონზე, გვქონდა მოლოდინი, რომ ლა ლიგას კარგად დავიწყებდით. საბედნიეროდ, ასეც მოხდა და მჯერა, რომ კიდევ უფრო მაღალ დონეზე ავალთ. ყველაფერი ისე წარიმართა, როგორც „რეალს“ სურდა, მთელ მატჩს ვაკონტროლებდით და შედეგიც სახეზეა.“

„ჩემთვის კომფორტულია იმ პოზიციაზე თამაში, რომელზეც ვითამაშე და კარვახალთან ვკომბინირებდი. დიახ, სიღრმიდან თამაში ყოველთვის მიყვარდა.“

„ბასკების წინააღმდეგ უფრო მეტის გოლის გატანაც შეგვეძლო, თუმცა მიღწეული შედეგით კმაყოფილები უნდა ვიყოთ.“

„ბელინგემი მაღალი დონის პროფესიონალია და დარწმუნებული ვარ, მთელი სეზონის განმავლობაში დიდ დახმარებას გაგვიწევს. ინგლისელის სახით დიდი ძალა შემოგვიერთდა.“

„ახალ სეზონში უფრო მეტი გოლის გატანას და საგოლე გადაცემის გაკეთებას ვაპირებ. მე მაქვს ჩემი პირადი მიზნები, რომელიც უნდა შევასრულო.“